BLINI IV është faza e katërt e projektit Blini. Blini IV me sipërfaqe prej 19,400 m2, përbëhet nga tri blloqe dhe 105 apartamente të tipit 1 – 3 dhoma.

Blini ka si synim të krijoi kushte të ndryshme jetese me afërsi të hapësirave të hapura të gjelbërta, mirëqenie dhe një ndjenjë të fortë të komunitetit. Me krijimin e hapësirave të përbashkëta të gjithanshme dhe strategjike, njerëzit inkurajohen kryesisht të ndërveprojnë dhe të punojnë së bashku në mjediset e ofruara për rekreacion.

Shkurtimisht qëllimi i projektit ishte krijimi i një ambienti jetese shumë më tepër se çdo gjë tjetër në zonë. Duke përfshirë zonë të gjërë rekreative të gjelbër, kënd i lojërave për fëmijë, fusha sportive dhe stilin e jetës – projekti vendosi standarde të reja dhe më të larta për jetesën urbane.

Projekti i është nënshtruar një procesi të gjatë të zhvillimit të dizajnit i cili na dha mundësinë për të studiuar detajet gjatë. Gjatë hartimit të paraqitjeve funksionale të apartamenteve, qëllimi ishte të vendosnim standardin shumë mbi normën dhe të ishim zemërgjerë në ofertë dhe proporcion. Dizajni lejon sasi të konsiderueshme të dritës natyrore dhe ventilimit. Ne kemi propozuar dhoma gjumi më të gjera dhe më të mëdha, në gjendje të akomodojnë shtretër me madhësi mbretërore dhe hapësirë të madhe për ruajtjen e gardërobës brenda secilit apartament.